Ampatri, Jymmang 16 : Ka jingïalang jong ka District Level Committee na ka bynta ban pyntreikam ïa ka skhim pynroi nongkyndong ba tip kum ka Chief Minister’s Rural Infrastructure Scheme (CMRIS) ka la long mynta ka taiew ha ka Conference Room ka DRDA, DC Office Building, Ampati, hapoh ka jingpynïaid jong u Subir M. Marak, MLA Rangsakona.
Ïa kane ka jingïalang la khot da ka Ophis jong u Project Director ka District Rural Development Agency (DRDA), South West Garo Hills, nangta ki ophisar na ki tnad bapher bapher ki la wan ban ïashim bynta ha kane ka jingïalang ban ïapyrkhat ïa ki mat kiba ïadei bad ka jingpyntreikam bad ka jingbuddien ïa ki kam pynroi kiba hap ha kane ka skim hapoh ka distrik.
Napdeng kiba la don lang ha kane ka jingïalang ki kynthup naduh ki Block Development Officer jong ka Betasing, Zikzak, Rerapara bad Purakhasia C&RD Block, ki Executive Engineer jong ka tnad PWD (Roads), PHE bad DRDA. Nangta ki District Agriculture Officer, ki Divisional School Education Officer, bad u General Manager ka DCIC Hill, South West Garo.
Ha kane ka jingïalang la pynlong ïa ka jingïakren halor ka jingjied bad buh hakhmat eh ïa ki projek pynroi nongkyndong kiba thmu ban wallam ïa ki lynti syngkien, ki jingdonkam paidbah, ki jingtei ha ka pule puthi bad ki lad kamai ha kylleng ka district. La pynleit jingmut ha ka jingpyntreikam ha ka por kaba biang, ka jingïatreilang hapdeng ki tnad bad ka jingpyntreikam hok ïa ki kam hapoh ka skhim.
U Deputy Commissioner ka South West Garo Hills bad kiwei kiwei ki heh ki la ban jur ruh ïa ka jingdonkam ban pynthikna ïa ka jingkhuid jingsuba, ka jingbha bad ka jingkitkhlieh ha kaba pyntreikam ïa ki kam pynroi kiba la shimkhia lyngba ka jingthmu jong ka CMRIS.
La pynkut ïa ka jingïalang da ki jingbthah sha ki tnad ba dei peit ban pynsted ïa ki rukom treikam kiba donkam bad ban pynthikna ban pyntreikam hok ïa ki projek ba la mynjur na ka bynta ka jingmyntoi jong ki nongkyndong ha ka distrik.
