Mawkyrwat, Rymphang, 24: U District Magistrate jong ka South West Khasi Hills District, Mawkyrwat u la ai ïa kane ka jingpynbna paidbah ba na ka daw ka jingdon jong ka General Election sha Meghalaya Legislative Assembly ha ka 27 tarik u Rymphang, 2023 bad khnang ba kan ym don kano kano ka jingthut ha kaba leit buh leit shaw ïa ki nongtrei kiba don Election Duty naduh ka 25 tarik haduh ka 27 tarik u Rymphang, 2023 bad khnang ba kan don ka jingïaid beit ïaid ryntih jong ki kali kiba don Election Duty ha ki Border areas
Namarkata, u la pynmih ïa kane ka hukum ha kaba la khang ïa ki trok heh/kiba kit khia na kaba ïaid ha surok ka Ranikor haduh Maheshkola naduh ka 25 tarik u Rymphang, haduh ka 27 tarik u Rymphang, 2023.
Kane ka hukum kan treikam noh mardor.
