Mawkyrwat, Rymphang, 18: U Deputy Commis-sioner (Election) jong ka South West Khasi Hills District, Mawkyrwat u la pynbna ba ka Election Commission jong ka Ri India ka la ai jingbthah ba tang ka Photo Voters’ Slip kan ym lah ban long ka sakhi na ka bynta ban thep vote bad ka long kaba donkam ban rah lang ïa ka EPIC jong ki ha ka sngi thep vote bad lada jia ba ki la kum pynjah ne buh bakla ïa ka EPIC ki lah ban rah da kawei na ki kot.
Ha kaba ki kot ba la bthah ba kin wanrah ki long kum ka Aadhaar Card, ka MGNREGA Job Card, ka Passbook ba don bad ka dur ba la ai da ka Bank ne Post Office, ka Health Insurance Smart Card ba la ai hapoh ka Scheme Ministry of Labour, ka Driving Licence, ka Pan Card, ka Smart Card ba la ai da ka RGI hapoh ka NPR, ka Indian Passport, ka kot Pension kaba don bad ka dur, ka Service Identity Cards kaba don bad ka dur ba la ai da ka Central/State government/PSUs/ Public Limited Companies, ka Official Identity Card ba la ai da ki MPs/ MLAs/MLCs bad ka Unique Identity ID (UDID) Card, M/o Social Justice & Empowerment jong ka Sorkar India.
