Khur jingjop ka Thangsning bad ka Lumpaia Avengers ha ka District League T20

0

Shillong, Rymphang 18 : Ka Thangsning SCC bad ka Lumpaia Avengers CC ki la khur jingjop ha ka lympung ïalehkai 2nd District League T20 Cricket Tournament ba la pynïaid da ka East Khasi Hills Cricket Association (EKHCA) ha ka jingïalehkai ha ka sngi Saitjaiñ.
Ka Thangsning SCC ka la khur jngjop da kaba pynliem da 5 wicket pyrshah ïa ka Friends United CC katba ka Lumpaia Avengers CC ka la pynliem da 5 wicket pyrshah ïa ka Pomshutia CC.
Ha ka jingïalehkai ba nyngkong hapdeng ka Thangsning SCC bad ka Friends United CC, ka Thangsning kaba la jop ïa ka jingkynting pisa ka la ailad nyngkong ban tied ïa ka Friends United CC kaba la kamai 112 ron duh noh 8 wicket ha baroh ki 20 over ha kaba u Bryan Mac Millan Marbaniang u kamai bun ron da 27 ron bad u Khrawkupar Kharumnuid u ïoh 2 wicket ai kamai 11 ron ha k 4 over na ka bynta ka Thangsning SCC.
Haba wan beh ïa katei ka thong ba la buh da ka Thangsning SCC, ka Friends United kam lah ban kynjoh da kaba kamai tang 113 ron duh noh 5 wicket ha ki 15.5 over, u Badap Pura Nongkhlaw u kamai 39 ron na ki 38 bol bad u Khrawkupar Kharumnuid u kamai 34 ron na ki 29 bol katba u Wansiewdor Lyndem u shim 3 wicket ai kamai 14 ron na ki 3 over. Ïa ka anam Player of the Match la ïoh da u Khrawkupar Kharumnuid jong ka Thangsning SCC.
Ha ka jingïalehkai hapdeng ka Pomshutia CC bad Lumpaia Avengers CC, ka Pomshutia CC kaba la jop ïa ka jingkynting pisa ka la kam ban tied nyngkong bad ka kamai 54 ron khyllem noh 10 wicket ha ki 13.5 over, u Aristerwell Suting u kamai 10 ron na ki 22 bol, katba u Ralphy Heinrich Diengdoh u khur 3 wicket ai kamai 14 ron na ki 3 over bad u Daryll Donald Nongbri u ïoh 2 wicket ai kamai 4 ron na ki 2.5 over.
Ka Lumpaia Avengers CC haba beh ïa ka thong ka la lah ban pyndep tang ha ki 11.5 over da kaba kamai 58 ron duh noh tang 5 wicket. U Easterland Iangrat u kamai 20 ron na ki 33 bol bad u Aristerwell Suting u khur 3 wicket ai kamai 15 ron na ki 4 over na ka bynta ka Pomshutia CC. Ïa ka nam Player Of the Match la ïoh da u Ralphy Heinrich Diengdoh.

Leave A Reply

Your email address will not be published.