Da ka Winter Festival yn pynlong ka Caring Cohort ban ïarap ïa ka skul Sati Raja Memorial SS Umsning

Nongpoh, Naiwieng 21: Kawei na ka kynhun ki shiparalok ba la tip kum ka Caring Cohort kaba ju trei naka bynta ka bha ka miat jong ka imlang sahlang bad ka ba ju kner la ki kti jingïarap ïaki ba ju donkam mynta ka kynti kala rai ban pynlong da ka Winter Festival ha Madan Umsning Patarim kaban sdang naduh 14 tarik bad 15 tarik Nohprah 2022.
Haba kren bad ki lad pathai khubor naka liang jong ki ne ki samla ki ba kynthup ïa u samla Phrangsngi Kylla Finance Secretary, Silvester Mawthoh President, Charles Kylla General Secretary ki la ong ba da kawei ka mynsiem ban peit ïaka khia ka shon hapoh ka imlang sahlang bad ruh ban kyrshan ïaki katto katne ki shlem ai jinghikai ha kane ka sien ka ba nyngkong ki la jied ïaka Sati Raja Memorial Secondary School Umsning kaba dang don hapdeng shibun ki jing duna naduh ki kamra Klass haduh ka surok bad bun kiwei ki jingduna kaba kum ka skul ka mad jingeh bad donkam, bad dei halor katei ka nongrim kum ka jingpynmih pisa kila rai ban pynlong da ka tamasa lehkmen kaba la tip kum ka winter festival kaba 2 sngi.
Ki la ïathuh ruh ba haka ne ka tamasa kin don shibun ki jing pyn byrngia naduh ka tem ka rwai lyngba ki kynhun tem ba pawnam kum ka Snow White bad ki wei kiwei kan don ruh ka jingpynkhalai nusib, bad naka liang katei ka kynhun kala mih sha khmat bad kila khot la wer ïaki paidbah ka dong Ri-Bhoi bad na ki wei ki jaka ban sakhi ïaka ne ka tamasa lehkmen naka bynta ka kam babha ka ba kum ka kynhun ka don ka jing thmu.
Naka liang I Headmistress jong ka tei ka skul I kong Balakyntiew Umbah I la pynpaw ka jing sngew nguh ïa ka Caring Cohort kaba don ka mynsiem ban khmih lem ïaka khia ka shon jong kane ka skul kaba la shakri naduh 2004 kaba la seng da I Bah O.B Ranee bam kwai ha dwar u Blei ban pynphriang ïaka jing nang jingstad ïaki khynnah ka thaiñ Umsning kaba haduh mynta kalong ka wei naka shlem ai jing hikai kaba la pynmih shibun ki rang bad ki thei ïalehkai sports bad kumjuh ruh ki khynnah kiba la pass bha na katei ka skul.