Mairang, Naiwieng 21: U Deputy Commissioner (Supply) ka Eastern West Khasi Hills District, u la pynbna paidbah sha baroh ki longïing hapoh ka distrik, ba la pyllait lyngba ki dukan rashon ïa u khaw rashon, katkum ka National Food Security Act, 2013 bad ruh ïa u khaw bym donkam ban siew pisa, katkum ka skim PMGKAY, na ka bynta u bnai Naiwieng, 2022.
Na ka bynta u khaw khaw PHH, yn sam 5 kilo shi khlieh briew ha ka dor 3 tyngka shi kilo, na ka bynta u khaw AAY, yn sam 35 kilo shi card ha ka dor 3 tyngka shi kilo katba ïa u khaw Non- NFSA pat yn sam 7.215 kilo shi card ha ka dor 13 tyngka shi kilo.
Shuh shuh, ïa u khaw bym donkam ban siew pisa, kata, u khaw katkum ka skhim PMGKAY, yn sam mar 5 kilo shi khlieh briew na ka bynta kito ki ba don ïa ki card rashon AAY bad PHH.
Ym bit ban ai duna ne ot na ka bhah ba la buh ne mang da ka sorkar, ha kaba ïadei bad ka jingsam ïa uno uno u mar bam ba la ai lyngba ka shkim PMGKAY, NFSA bad Non- NFSA. La bthah ruh ïa baroh ki FPS dealer, ba kim dei ban pynduh khaw ïa kito ki nongbam ki bym pat don ïa u Aadhaar Card bad ïa kito kiba la pynjah ïa ki ration card jong ki.
Ïa ka bai kit bad bai kali ban pynpoi ïa kine ki marbam hapoh jong kitei ki lai tylli ki skhim, yn bei pisa da ka sorkar sha ki Wholesaler ne Dealer, kumba ju leh na ka por sha ka por bad ha ka jaka sam khaw, la bthah ba baroh kin ieng la kumno kumno shi mitar ka jingjngai iwei na iwei pat ha u laiñ. Shuh shuh, baroh ki nongshim rashon kin hap ban deng ïa ki jingda dur khmat (Mask) ha ki jaka sam khaw.
Lada lap ïa kino kino kiba pynkheiñ ïa kitei ki kyndon, yn pynshitom katkum ka aiñ bad lada don kano kano ka jingujor halor ka jingbym thikna ka jingsam ïa ki mar rashon, ki nongïoh bhah ki lah ban phah da ka jingthoh sha u District Grievance Redressal Officer & Additional Deputy Commissioner (Supply), Eastern West Khasi Hills District, Mairang. Lane ki lah ban thep ha ka Complaint Box ba la buh da ka office u Deputy Commissioner (Supply), bynrap shuh shuh ka kyrwoh jong u Deputy Commissioner (Supply) ka Eastern West Khasi Hills District.
