Jowai, Risaw 30 : Ka lympung ïalehkai phutbol jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long ha kane ka sngi Saitjaiñ ha madan Kiang Nangbah Stadium, Dongmihsngi Jowai.
Ïa kane ka lympung la pynïaid da ka (WJDSA) shi bynta na ka jingrakhe jubilee ksiar ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun na ka liang ka kynhun ïalehkai jong ka Moosalyngkat SC kala lah ban pynliem da 4-1 kol ïa ka beat Mukhla Raij SC. Ïa ki kol na ka Moosalyngkat SC la thep da u Sebastian Dhar ha ka minit ba 52, u Lalthakhuma Ngaite ha ka minit ba 66, u Living stone Mannar ha ka minit ba 80 bad u Gladio Susngi ha ka minit ba 87. Katba ïa ka shikol na ka Mukhla Raij SC la thep da u Joydeep Bamon ha ka minit ba 77.
Ka jingïalehkai lashai ka sngi (Monday) 31 tarik kan long hadpeng ka Chutwakhu SC pyrshah ïa ka Luti Tuber Ialong SC ha ka por 2 baje shiteng nohphai sngi.
