Jowai, Rymphang 18: Ki paidbah nongkyrshan jong u ma Nehemaya Tyngkan uba dei u kyrtong MLA ka 4-Mowkaiaw Constituency, ha ka jingïalang ïalap Election jong u kaba la long ha ka 16 tari u Rymphang ha ka shnong Saphai kila synñiang syndon da ka pisa kaba la kot haduh T.26,200 tyngka ban ai sha une u kyrtong.
Kane ka jingsynñiang pisa ki nongkyrshan ka long kum ka dak ban kitbok kitrwiang ïa u ma Nehemaya Tyngkan, ha ka juh ka por kila pynsngew kum ki paidbah kim dei ki briew bashah thied sha die hynrei kin long ki briew kiba pyrkhat ïaka ïap ka im jong u paitbah bad ïaka lawei ka pateng jong ki khun ki kti.
Haka jingïalang ha kane ka sngi la pynïaid da u Waheh Shnong ka Saphai u ma Gino Synnah, ha kaba ki paidbah da ki spah ngut kiba poi sha kane ka jingïalang ban sngap ïa ki nongrim ba skhem jong utei u kyrtong u ban shakri ïa ka Constituency khamtam ha ka jingeh jong ki kut shilliang ki sem shilliang.
