Pyllait ka tnad pulit West Jaiñtia Hills ïa u QR Code ban ujor ïa kino kino ki kam be-aiñ

Jowai, Risaw 7 : U Superintendent of Police ka West Jaiñtia Hills District ula pyntip ba ka tnad pulit jong ka District kala pyllait ïa u QR Code ban pynsuk ïa ki paidbah ban pyntip ïa kino kino ki kam be-aiñ, ki kam runar, ka jingwan rung kyrthep ki briew nabar, ka jingleh bymman jong ki Pulit bad kiwei de kiba tnad pulit jong ka District kin shimkhia mardor ban leh ïa kaba donkam.
Ka tnad pulit kala kyrpad ruh ïa ki paidbah ba kin scan bad pyndonkam ïa u QR Code bad ban ai ïa ki jingtip ne ki jingujor. Ïa kiba ai jingtip yn buhrieh ïa ki kyrteng. La kyntu ïa ki paidbah ban pynneh pynsah ïa ka jingshongsuk shong saiñ hapoh ki shnong ki thaw.