Yn pynkup burom ka KSU Thadmuthlong Pyllun Unit da ka khusnam 2nd Maitshaphrang Academic Award 2026

0

Jowai, Naiwieng 17: Ka Khasi Students’ Union (KSU), Thadmuthlong Pyllun Unit, kan sa pynlong ïa ka jingai khusnam sha ki samla pule ka thaiñ kaba la tip kum ka 2nd Maitshaphrang Academic Award 2026 ka ban long haka 4 tarik u Nohprah 2026.
Kane ka long kawei na ki sienjam jong ka Unit ban ithuh, ban ai burom bad ban pynkup burom ïa ki samla pule kiba la trei shitom bad kiba la seisoh bha haka jingpule jong ki. Kane ka jingthmu ka long ruh ban ai mynsiem ïa ki samla pule ba kin dang trei shitom shuh shuh bad ban pynjanai ïa ka jingpule jong ki na ka bynta ka lawei kaba kham phyrnai. Ka jingsam khusnam sha ki samla pule na ka bynta ka kyrdan SSLC: kan long 75% shajrong (MBOSE, CBSE, ICSE). Ha ka HSLC: 75% shajrong (MBOSE, CBSE, ICSE). Ha ka Master’s Degree: First Class. Ha ka Ph.D.: Baroh kiba la dep bad ïoh ïa ka kyrdan Ph.D. Ka tarik kaba khatduh ban wan thep ïa ki kot ki sla ba donkam ka long hapoh ka 24 tarik u Naiwieng, 2026. Ïa ki jingtip ba kham bniah lah ban phone ha kine ki No: 7005534092, 9863635220, 9862991111.

Leave A Reply

Your email address will not be published.