Shillong, Lber 26: Ka kynhun ki nongïalehkai Karate jong ka Jylla Meghalaya kan sa ïashim bynta ha ka rynsan jong ka lympung ïalehkai kaba la tip da ka ‘Karate India Organisation’s U-21/Senior National Championship 2025 ha Hyderabad naduh mynta ka sngi.
ïa kane ka lympung kaba lai sngi lynter yn pynlong ha Kachibowli Indoor Stadium bad ka kut ha ka 29 tarik mynta u Lber.
Na ka liang jong ka All Meghalaya Karate-Do Association [AMKA] ka la jied bad sei ïa ki 15 ngut ki nongïalehkai ki ban mihkhmat ïa ka Jylla Meghalaya sha kane ka lympung ïalehkai karate. ïa ka kynhun yn ïalam da u Bah Donboklang Lyngdoh kum u Coach bad u Bah Rodrick Syiem kum u manager.
Ki kyrteng jong ki nongïalehkai ryngkat bad ki kyrdan ba kin ïashimbynta ki ban mihkhmat ïa ka Meghalaya ki long: Kynjailin L Mawnai (U-21 Women -50kg), Carene Sohiong (U-21 Women -55kg), Ram Lanong (U-21 Men -55kg), Gideon Tympuin (U-21 Men -60kg and Men Team Kata), Kynpham Kharkongor (U-21 Men -67kg), Rebeka Nongspung (Senior Women -50kg), Larisha Kurbah (Senior Women -55kg), Barisha Kharbani (Senior Women -61kg), Nangkitbok Phira (Senior Men -50kg), Cheltis Shylla (Senior Men -55kg), Paul Danny Kharmudai (Senior Men -60kg), Gary Daniel L Mawlong (Senior Men -67kg),Ialamphang Kharkongor (Senior Men -75kg), Ferdinand Samkupar Rani (Men Team Kata), Gregorwilson Makdoh (Men Team Kata).
