Sha United Kingdom leit ïashimbynta ban ïoh jinghikai ki MLA halor ka synshar ka khadar

Shillong, Naiwieng 10: Ka kynhun jong ki nongthaw aiñ jong ka jylla Meghalaya bad ki heh ophisar ki ïashim bynta ha ka State Legislators’ Leadership Excellence Programme ha United Kingdom, kaba thmu ban pynkhlain ïa ka jinglah ban long nongïalam, ban kyntiew ïa ki rukom synshar bad ban pynïar ïa ki jingïohi halor ka policy paidbah bad ka jingpynroi ïa ki tnat treikam.
Kane ka prokram kaba la pynlong naduh ka 7 haduh ka 14 tarik Naiwieng ha London bad ha Cambridge, la pynlong lang da ka Meghalaya Legislative Research Fellowship Project (MLRF), Meghalaya, bad ka Intellectual Forum ha Jesus College, Cambridge, ryngkat ka jingiatreilang bad ki King’s India Institute, King’s Colleges SE Economic School of London Policy (KCL), bad LSE Consulting, bad ka London School of Economics and Political Science (LSE).
Ïa kane ka kynhun la ialam da u Lamphang ka ïing dorbar thawain ka jylla Meghalaya, u Thomas A Sangma napdeng ki nongïa shim bynta.Ka prokram ka wanrah lang ïa ki nongthaw aiñ bad ki ophisar sorkar na ka bynta ka jingïakren bad ki riewstad, ki riew shemphang ha ka policy, ki nongïalam barim jong ka parliamentarians bad ki nongïalam jong ki tnat treikam na United Kingdom.
Ki nongthaw aiñ kiba ïadei bad kane ka prokram ki kynthup ïa u Deputy Speaker u Limison D Sangma, u Deputy Chief Whip u Bah Ronnie V Lyngdoh, u Myntri Sorkar Marcuise N Marak bad u Bah Paul Lyngdoh, Chief Whip ka sorkar u Dr. Celestine Lyngdoh, bad ki MLA u Abu Taher Mondal, u Rupert Momin, u Subir Marak, u Bah Ollan Singh Suin, u Dr. Mohammed Mizanur Rahman Kazi, u Bah Matthew Beyondstar Kurbah, u Bah Mayralborn Syiem, u Bah Gavin Miguel Mylliem, u Bah Renikton Lyngdoh Tongkhar, u Bah Gabriel Wahlang, u Bah Kyrmen Shylla, u Bah Banteidor Lyngdoh, u Bah Balajied Kupar Synrem, u Bah Charles Pyngrope bad u Bah Alexander Laloo Hek.
La ïa don lang ruh da u Chief Secretary u Dr. Shakil P. Ahammed, IAS, u Dr. Sampath Kumar, u Additional Chief Secretary bad Vice-Chair jong ka Meghalaya Legislative Research Fellowship Project (MLRF); u Bah F.R.Kharkongor, IAS, u Bah M.R.Synrem, IAS, u Bah Cyril Diengdoh, Commissioner and Secretary, Parliamentary Affairs, bad ki ophisar ba kynthup ïa u Malthus S Sangma, Secretary, Dr. Andrew Simons, Adviser (Legislation) nalorkiwei pat.
Ka prokram ka don ïa ki jingïalang ba kyrpang ba la ïalam da ki riewstad, ki riew shemphang ha ka policy bad ki nongtrei kiba la tbit na ki jaka pule ba pawnam jong ka ri Bilat.Ki jingiakren ki kynthup ïa ka jingshim rai ha ka policy paidbah, ka jinglong nongialam, ki jingtei digital, private capital, public communication, gender and governance bad ki rukom treikam ba thymmai ha ka sorkar.
Kum shi bynta jong ka prokram kane ka kynhun la pynbeit ba kan leit ban jngoh ïa kaHouses of Parliament ha Westminster ha ka 11 tarik u Naiwieng.Kane ka jingleit jngoh kan kynthup ïa ka parliamentary tour ban ialam da ka House of Commons Doorkeepers, bad ka jingiaphylliew jingmut bad ka Commonwealth Parliamentary Association (CPA), ka jingialang kaba kyrpang halor ka bynta jong ki nongmih khmat bad ka lad ia ki nongthaw ain ban peit bniah ia ki jingkylli jong ka Parliamentary Questions (PMQs) da lade.
Yn pynlong ruh ïa ka jingiakren halor ka polisi kaba la ai kyrteng Think Equal ECD Policy Dialogue ka ban long ha House of Lords, kaba pynleit jingmut ha ka jingpynroi ïa ki khynnah rit bad ka jingiatreilang bad ka policy.Ha Jesus College, Cambridge, ki nongiashim bynta kin leit sha ki jingialang halor ka jingtei ïa ka jingiatylli ha kylleng ka sorkar ha ka por jong ki jingeh kiba iaid stet, ka jingkylla kaba jyrngam kum ka lynti sha ka jingroi jingpar, ka jingstad jinglong bad ka policy paidbah, bad ki rukom nongialam ban weng ia ki jingeh ha ka roi ka par.
Ka bynta kaba kongsan jong ka prokram ka long ka jingpyrkhat jong ka ïa ki jingthmu pynroi ba kyrpang jong ka Meghalaya.Ki jingïalang ki kynthup ïa ka Everyman’s Economics: Democratising the Economy of Meghalaya, ba la ïalam da u Dr. Antara Halder, bad ka Adaptive Leadership na ka bynta ban pynsuk ia ka roi ka par ha ka Jylla Meghalaya ha India, ba la ialam da u Professor Ronald Heifetz.
Ha kane ka prokram yn don ruh ki jingïakren bad ki riew shemphang kiba pawnam, kynthup ïa u Professor Jaideep Prabhu, Dr. Julian Huppert, Professor Louise Tillin, Dr. Julian Huppert, u Professor Louise Tillin, Dr. David Halpern bad kiwei de ki riew stad.Kane ka prokram kaba 8 sngi kan kut ha ka 14 tarik Naiwieng da ka jingai ïa ki syrnot, ki dur bad ka jingïakynduh ba khatduh (farewell) ha Jesus College, Cambridge.