Da ka Miss Shillong Supermodel yn pynlong ka Fashion Society ha ka 21 tarik Naiwieng

Shillong, Naiwieng 10 : Ka Fashion Society Shillong ka la pynbna ba kan pynlong ïa ka jingïakop Miss Shillong Supermodel 2026 ha ka 21 tarik u Naiwieng ha U Soso Tham Auditorium, Shillong, ha ka por 04 baje janmiet.
Katkum ka kyrwoh la pyntip ba kin don 14 ngut ki nongïashim bynta kiba ïakhun na ka bynta ka nam ha ki lai tylli ki bynta, kata ka Traditional Fusion, Wings of Fantasy bad Little Red Dress.
Ki nongjop ha kane ka jingïakob kin ïoh ïa ki khusnam pisa kaba T.1 lak, T.75,000 bad T.50,000, ryngkat bad hynriew tylli ki khusnam kyrpang.
Ka kyrwoh ka ong ruh ba ha kane ka prokram, ka nongrwai ba pawnam ka Kong Adorylene Sawaia kan pynsngewtynnad ïa ki paidbah da ka sur rwai jong ka, katba ka kynhun rwai Kawei Ka Sur Ensemble kan pynshongshit ïa ka jingïalang da ki jingrwai bapher bapher.
La pyntip ba ha kane ka sngi yn pyni ruh ïa ki jaiñ ba kyrpang kiba la shna da ka Fashion Department jong ka William Carey University.