Rakhe ka District ïa ka jingdap 5 snem ka jingïoh ïa ka Eastern West Khasi Hills District

Mairang, Naiwieng 10: Ka District Administration Eastern West Khasi Hills District ka la pynlong ia ka jingrakhe ia ka jingdap 5 snem jong ka jingioh ia ka District Eastern West Khasi Hills naduh ba la pynkha iaka haka 10th November 2021. Ha kane ka sngi la wan ban sakhi da u Deputy Chief minister ka sorkar Jylla Shri Sngiawbhalang Dhar kum u kongsan, la Iadonlang ruh bah Metbah Lyngdoh local MLA, Smti Anita Kharpor IAS Deputy Commissioner, Bah Equator Nongrang MDC, Pa’iem P.M Syiemlieh, Syiem of Hima Nongkhlaw, G.W Lyngdoh MPS Superintendent of Police, Shri M. Diengdoh ADC, Shri L.Myrthong AC, ki officer na ki office sorkar bapher bapher, ki khynnah skul bad khynnah college, ki SHG bad ki paidbah nongshong shnong.
La pynphuh pynphieng ia kane ka sngi da ki jingrwai bad jingshad ba la shim bynta da ki khynnah skul bad khynnah college, ka jingiatan tyllai, mawpoint, bad ki wei, shuh shuh la pynkhreh ruh ia ki stall ha kaba la buh ia ki tiar kiba la shna bad pynmih da ki SHG napoh ka district.
Ha kane ka sngi ruh la ioh ia ka jingpynkup burom ia ki khynnah kiba pass bha ha ka SSLC bad HSSLC, la ioh ruh ban sam ia ki tool kits na ka bynta samla kiba la pyndep ia ki skill training bapher bapher lyngba ka MSRSS bad ruh ka jingsam ia ki cheque sha ki beneficiaries lyngba ki scheme, ki nongialehkai sport kiba la wanrah burom ia ka district lyngba ki medals, a recognition award to 5 PHCs of the district, VEC.
U bah Metbah Lyngdoh MLA, ha ka jingkren, u la ong ba ka jingioh District ka iarap ban pynjan ia u paidbah sha ka sorkar lyngba ki kam pynroi bapher bapher. U iawer ia ki paidbah khamtam ki khun samla, ba ki dei ban long ka nuksa ia kiwei, ban pynlong ia ka district kaba da ka ba khuid ba suba ka district kaba im suk kaba lait na kano kano ka jingkulmar bad ka district ka ban kiew shuh shuh shaphrang ha ka liang ki kam pynroi.
Ha ka jingkren jong u bah Sngiawbhalang Dhar, u pynpaw ia jingkmen ban ia donlang ha kane ka jingrakhe. U la ong ba jingioh ia ka district ka long ban pynjan ia ka sorkar sha u paidbah. Ban pynsuk ia jingdonkam jong u paidbah. U la ong ba watla ka dei ka district kaba dang thymmai, hynrei ka dei pat ka district kaba paw ha ka history jong ka jylla, ha kaba nangne ki mih ki riewkhraw, ki riewshlur, ki khla wait ka jylla kum u Tirot Sing Syiem, kane ka district ka paw ha ka jingdon ki riewdonsap ha ki bynta bapher bapher. Ka jingmih jong ki riewdonsap, la ka long ha ka rwai ka siaw, ka put ka tem, ki kam sports bad kiwei ka dei ka jingkyrmen ia ka district ba kan shaphrang. U la ong ban kiew ha ki liang baroh donkam ka jingiatreilang,
U la ong ka sorkar ka la shim ia ki lad ki lynti ban kyntiew ia ki skul, ka koit ka khiah, ki surok bad kumba 35 tylli ki social welfare scheme kum ka CM Alleviate ba ka sorkar ka la wanrah na ka bynta ban kyntiew ia ka ioh ka kot jong ki nongshongshnong ha ka jylla, kumta u la ong ia ki khun samla ba ka lad ka don na ka bynta ba kin seng kam la jong ban ieng ha la ki jong ki kjat lyngba ki scheme bapher bapher, ym dei ban shuh shanniah tang ha ki kam sorkar hynrei ban shim ki lad ki lynti ba la ai da ka sorkar.
U ai khublei ia ka district administration, ki officer ki ba trei shitom ban kyntiew ia ka district lyngba ki kam pynroi. U congratulate ruh ia ki shah pynkup burom bad kyntu ia ki ba kin nangtrei shitom bad pyndonkam hok ka sap bad ki lad jingiarap kiba ki ioh. U iawer ban ai ka jingiatreilang bad ka sorkar na ka bynta ki kam pynroi ha ka district bad ha ka Jylla.
Ha kane ka sngi lah ioh ban pyllait ia ka souvenir jong ka Markham Festival da u Kongsan bad la pynkut ia kane ka jingrakhe da ka Musical Evening na ki kynhun tem bapher bapher.