Khliehriat Lber 08 : Ka Company Star Cement Lumshnong, ka la pynlong ïa ki prokram bapher bapher kum ka jingrakhe ïa ka taïew ba kyrpang ka National Safty Week, kaba 52, kaba la sdang naduh ka 4 tarik u lber bad ka ban kut haduh ka 10 tarik u Lber 2012, ka phang pdeng jong kane ka jingrakhe ka dei “ ka thong ban nym don kano kano ka jingmynsaw’ (Our Aim, Zero Harm).
Ha kane ka jingïalang, ki nongtrei jong katei jong ka company Star Cement, ki la shimnymta lang ha ka jingpule ïa ki kyntien jingkular lane ka Pledge bad la kyntiew ruh ïa ka lama jong ka National Safety Day (NSD), ki la don ruh ki prokram bapher bapher ba la pynlong, kum ka jingïakop thoh slogan, ïakhop thoh poster, ki emergency drill, ïakhop thoh essay bad kiwei kiwei, ba la ïashim bynta da ki nongtrei ka company bad ki khynnah skul, la sam ruh ïa ki khusnam ne prize sha kito kiba jop ha ki jingïakop.
Kumba la bthah da National Safty Council (NSC), ka Company ka la pynlong ïa ki awareness prokram hapoh ki jaka trei bad pynsaphriang ïa ka jingpynshai bad ka jingïada ha baroh ki liang bad la pynlong ïa ki prokram (activities) bapher bapher, ka NSC ka la bthah ruh ban shim khia ruh ïa ki lai tylli kiei kiei kiba donkam , kum ka jingïada, ka koit ka khiah bad ka mariang ( Safty, Health, Environment-SHE).
Ïa ka National Safty Council, la saiñdur naduh u snem 1971 bad la register ruh kum ka Society hapoh ka Society Registration Act 1860 bad ruh kum ka Public Trust hapoh ka Bomby Public Trust Act 1950.
