Jowai, Lber 08: Shi bynta ban wanrah ïa ka bha ka miat jong ki khun ka ‘Kur Lamare’ kaba don hapoh ka Jaiñtia Hills, na ka liang ka Sein Kur Lamare mynta ka sngi 8 tarik u Lber kala pynlong ïa ka jingïakynduh lang ba kyrpang ha madan Ryngkaw Tpep-pale, Jowai.
Ïa kane ka Dorbar Kur kaba saw jong ka Kur Lamare la pynïaid da u ma Wompher Lamare President ka Kur Lamare Pyllun Jaiñtia Hills ha ka jingdonlang u ma Emlangki Lamare, MDC-JHADC kum u kongsan, u ma Salong Lamare, Dolloi Elaka Nartiang kum u symbud kongsan nalor kiwei de ki riew rangbah ki longkmie kiba la wan na ki shnong bad ki Unit bapher bapher.
Ka Seiñkur Lamare Pynllun Jaiñtia Hills kum ka dak ban sah jingkynmaw ïa kane ka sngi kala pyllait paidbah ruh ïa Riti treikam ne ka Constitution ka Kur, ha ka juh ka por la pynkut burom ïa u ma Salong Lamare, Dolloi Elaka Nartiang bad kumjuh ïa ki khun samla ka Kur kiba wan shakhmat ha ki jingpule bapher bapher.
Katba na ka liang ki riew rangbah ka Kur Lamare haba ai jingkren ha kane ka sngi kila pashet shibun ki jingmut jingpyrkhat halor ki phang ba bun jait na ka liang u Kordor Lamare u la batai halor ka phang kaba ong “Ka Jingïatylli”, u Heiporme Lamare halor “Ka Akor Burom bad ka Shongkha Shongman”, katba u Marbiangki Lamare ula kren halor ka “ban pynneh Pynsah ïa ka Mariang”.
La pynphuh pynphieng ïa kane ka sngi da ki jingrwai, ki jingshad ba la shim bynta da ki samla ka Kur Lamare.
