Pynlong ka company Star Cement Lumshnong ïa ka 23rd North East Metalliferous Mines Safety Week 2026

Khliehriat, Naiwieng 01: Ka company Star Cement Ltd Lumshnong, East Jaiñtia Hills District, hynnin ka sngi saitjaiñ ka la pynlong ïa ka prokram ba kyrpang ha kaba la rakhe ïa ka 23rd North East Metalliferous Mines Safety Week 2026 bad ha kane ka prokram la pynlong kyrpang ïa ka jingiakop halor ka bynta kumno ban ai jingsumar ba kyrkieh lane ka First Aid Competition bad la wan ban iashimbynta haduh khyndai tylli ki khynhun kiba trei ha ki par mawshun jong ki company bapher bapher kiba don ha ka thaiñ shatei lam-mihngi.
Ha kane ka jingpynlong ïa kane ka prokram North East Metalliferous Mines Safety Week 2026 la wan ruh ban ïa don bynta lang da ki Doctors kiba dei na ka Coal India Limited bad na ka Oil India Limited ha kaba la thung ïa ki kum ki nongpeit nong bishar ne ki nongaijingmut lyngba kane ka jingiakop First Aid Competition ba kin dup ai shuh shuh ki jingtip ba paka halor ka rukom ai jingsumar ba kyrkieh lada don kano kano ka jingjia ne ka accident ha ki par mawshun.
Ha kane ka prokram la sam ruh ïa ki prize sha ki kynhun kiba jop kiba la leh bha halor kumno ban ai jingsumar kyrkieh ïa kiba mynsaw ha ki par mawshun, kiba la pyni nongmuna kumno ban pynkhreh ïa ki tiar ki tar, kumno ban treikam kum ka kynhun kiba lah ban pynbit pynbiang ïa baroh ki jingdonkam ha ka jaka trei ba ki trei ba kynthup khamtam ka medical emergency bad kiwei kiwei ki jingdonkam.
La sakhi lang ïa kane ka prokram da u B. Dayasagar, uba dei u Director of Mines Safety, u Kamlesh Kumar Verma, uba dei u Deputy Director na ka tnat DGMS Guwahati, ki dkhot jong ka Committee kiba dei jong une u snem kiba na ka M/s Dalmia Cement N-E Limited bad na kiwei kiwei ki heh kiba peit ia ki par mawshun lem bad ki dkhot executives kiba na ka company M/s Star Cement Limited.
La ong ruh ba kane ka jingiakop First Aid Competetion ka dei halor ka jingthmu ban kyntiew ne ban pynbha shuh shuh ïa ka rukom ai jingsumar ba kyrkieh, ban pynkhlaiñ ïa ki kynhun ai jingiarap, ban pynkhlaiñ ïa ka rukom ban pynkhreh ïa ki lad ai jingiarap bad ruh kane ka prokram ka long kum ka jingai jingpynshai ne ka awareness kumno ban ai jingiarap bad ai jingiada ïa kiba trei ha ki par bad kane ka pynshlur ïa ki nongtrei ba kin shim ïa ki jingkitkhlieh ha ka rukom kaba paka ha ki jaka trei ba ki trei ha ki par mawshun lada don kano kano ka jingjia lane ka accident bad kumno ban pynkhlaiñ ïa ka medical emergency ha ki par.