Nongpoh, Naiwieng 01: Ka skulbah University of Science and Technology Meghalaya (USTM) haka sngi Saitjaiñ kala pynkup burom ïa kumba 1469 ngut ki samla pule ba kynthup 42 ngut kiba la pyndep ïaka PhD, 584 ngut ki postgraduates, 798 ngut ki undergraduates bad 45 ngut kiba la pyndep ïaka Diploma.
Ha kane ka sngi la wan ruh ban shim bynta da u Justice Ujjal Bhuyan, u ba dei Judge ka iingbishar Supreme Court kum u kongsan, haka jingdonlang ka Dr. Pankaj Mittal Secretary General ka Association of Indian Universities, ki nongbishar ka Gauhati High Court, ki Vice Chancellor naki skulbah bapher bapher ka ri India, ki bor pynïaid ka skulbah USTM, ki khraw pyrkhat bad kiwei kiwei.
Ki khusnam ba kyrpang bala sam ha kane ka sngi ki kynthup ïaka P.A. Sangma Gold Medal Award bala ioh da u Zakiyyah Nurul Barbhuyan haka B.Sc Zoology, ka Dr. APJ Abdul Kalam Gold Medal Award bala ioh da ka Florence Daimari haka MA Rural Development, ka Chancellor’s Gold Medal Award la ioh da ka Ayushi Borkakoty, B.Sc Microbiology, ka Visitor’s Gold Medal Award la ioh da ka Porismita Bhuyan haka Master of Commerce, bad ka Zubeen Garg Memorial Gold Medal Award bala ioh da u Abhirupa Kashyap, BA Psychology. Shuh shuh la sam ruh kumba 29 tylli ki takma ksiar sha ki samla pule ka postgraduates bad 34 tylli sha ki undergraduates.
