Bamduh ka ding 4 tylli ki ïing ha ka thaiñ 11 mer
Nongpoh, Naiwieng 20: Ka ding kaba la sdang na kawei ka iing trep, kala klang bad pur bad bamduh haduh 4 tylli ki iing haka thaiñ 11 mer kaba hap haka jylla Assam harud surok bah NH 27.
Katkum ka jingtip bala ioh lum la ong ba kane ka jingjia kala jia haka por kumba 9 baje eiei hynnin ka miet kaba la sdang shuwa na kawei ka iingtrep bad naka jingpur sted ka ding ka la ïoh ban bamduh haduh 4 tylli ki ïing kiba don marjan.
Halor kane ka jingjia, ki pulit pynlip ding na Assam bad Byrnihat kila leit mar mar sha katei ka jaka ban tem bad pynlip ïa ka ding, hynrei namar ka jingklang ka ding 4 tylli ki ïing kila ingkhong khaid ha katei ka jaka bad kumba la ïoh jingtip ym shym don kano kano ka jingmynsaw ne jingjia ba sngewsih ha kane ka jingjia bad ka jingtohkit ka dang ïaid shakhmat ban lap ïa ka daw tynrai jong ka jingjia.