Shah thied ka State Expert Appraisal Committee ha ka Shree Cement: JNC

0

Khliehriat Naiwieng 16: Haka kyrwoh khubor ba la pyllait da President Rangbah jong ka Jaiñtia National Council Central Executive Council, u bah Sambormi Lyngdoh, u la ong ba naduh ba wan kane ka company Shree cement hapoh ka jylla Meghalaya khamtam ha East Jaiñtia Hills, Elaka Nongkhlieh ka seng ka iohi ba don shibun bah ki jingeh kiba la mih na kane ki project jong ka company naduh ka jingpyndonkam ïa ki runar ne ki gang, ki pulit ka jylla bad ïa ki tnad treikam sorkar ban ïuhroit ïa ka hok jong ki paidbah, shuh shuh ka seng ka kynnoh ba shah thied ka SEAC (State Expert Appraisal Committee) ha ka Shree Cement bad ka seng ka buh jingkylli ruh da kaba ong “Hato ka 10875000 ba la siew ka Shree cement shaka SEAC ha u bnai ba la dep ka dei kata ????”
“Kaei kaba ngi kwah ban pynpaw sha phi ki paidbah, ba dang ha kine ki sngi ba la dep ka seng ka la lap ba na ka liang ka State Environmental Impact Assessment Authority (SEIAA) ha kawei naki jingialang jong ka kaba dei halor ka project tih mawshun ha u Lum Syrman kaba 217 hectares ka jaka jong ka Shree cement ïa kaba la phah shithi na ka State Expert Appraisal Committee ( SEAC kaba dei peit ban examine ïa ki kot ki sla jong kino kino ki company kiba apply ïa ka environmental clearance) ban khot ia ka jingmynjur ha kaba ïadei bad ka Environmental Clearance lem bad ka CTE sha ka shree cement project Lum Syrman, hadien ba ka SEAC kala dep ban mynjur ïa baroh ki jingdonkam jong ka Shree cement, hynrei na ka liang ka SEIAA kam pat mynjur ban ai ne grant ïa ka Environmental Clearance da kaba ong ba kane ka kam mynta ka dang sah hapoh ka jingbishar jong ka Fact Finding Committee jong ka sorkar jylla bad ym pat lah ban rai ïa kaei kaei bad la pynphai biang sha ka SEAC ban bishar biang iaki kot ki sla kiba donkam” ong u kyrwoh.
U President ka JNC u bynrap shuh shuh da kaba ong “Kum ka seng haba peit ïa kane ka jingleh Jong ka SEAC ka long kumba ka shah thied ha ka shree cement, namar wat hapdeng ka jingiaid ka jingbishar ïa ka kam mynta hapoh ka Fact Finding Committee hynrei ka SEAC kam burom bad ka ïaid shakhmat ïa ki kam ka Shree cement, ka don kaei kaei kaba sha lyndet, namar u juh u briew uba long u Member Secretary ïa ka SEAC u dei u juh u briew uba long member secretary jong ka MSPCB kaba pynlong public hearing bad uta udei u bah GH Chyrmang MFS”.
“Dang ha kine ki khyndiat sngi na ka liang jong ngi ki sengbhalang, ki nongshong shnong ka Elaka Nongkhlieh khamtam kiba don ïa ki jaka puta bad don hok ha uto u lum Syrman ngi la leit ban shim bynta ha ka public hearing ba la khot da ka Fact Finding Committee te ngi sngewlyngngoh bad i phylla ba ka appraisal committee kam burom namar ïa kane ka Fact Finding committee la thung khnang ban iohsngew biang ïa ka sur ki nongshong shnong ki bym iohlad ban pynsngew ha kato ka public hearing ba la pynlong da ka MSPCB”.
Haba phai shaka mukutduma ka JSU ba wat ka High Court ba don burom ruh ka dang ithuh ïa ka Fact Finding Committee da kaba phah bad ailad ïa ka JSU ban leit rah ïa ki jingpynsngew sha ka FFC katba ka SEAC kam shym la kheiñ snep bad ka leh kum bym tip ïa ka Fact Finding Committee. Hato kine ki tnad Committee ka sorkar jylla kim burom mo ïa kaei ba ka sorkar ka shim ïa ki sienjam kum ka FFC. Te lada ka SEAC ka tip shai bad ka leh ïa kum ka tei ka kam ka pyni ïa ka jinglong DOUBLE STANDARD jong ka Sorkar”
“Te kane ka jingleh Jong ka Appraisal Committee ka pynpaw ba don kaei re kaei sha lyndet Jong kane ka Fact Finding committee, bad lehse kane ka FFC ka dei tang ka tactics jong ka sorkar jylla ban punphai ïa ka jingmut jingpurkhat kane divert ïa ka mindset jong ki paidbah. Te lada kane ka FFC ka dei kaba khuid ngi kwah ba ka Sorkar jylla kan pynshitom ïa kane ka Appraisal Committee bad lada kane ka Appraisal Committee ka leh da ka jingtip shai jong ka sorkar jylla ka mut ba ka shree cement kala dep thied ïa kane ka Appraisal Committee bad ka FFC kan dei tang ka jingtep eitmiaw iaka jingiadei ka sorkar jylla bad ka Shree cement, bad ka jingkhot public hearing Jong ka FFC ha Shillong kam don jingmut lada ka Appraisal Committee ka dang ïaid shakhmat ïa ki kot ki sla na ka juh ka public hearing kaba pynlong daka MSPCB” pynkut u kyrwoh.

Leave A Reply

Your email address will not be published.