Pynsangeh ka KSU ïa ki bar jylla kiba trei bylla khlem dulir

0

Shillong, Naiwieng, 19: Ki dkhot jong ka Khasi Students Union (KSU) Mawlai Mawïongrim Unit kum ka jingïakhun ïa ka jingrung kyrthep jong ki mynder sha ka jylla, ha ka sngi Thohdieng ki la khynra naphang ïa ki bar jylla kiba trei bylla hapoh u pud u sam jong ka shnong Mawïongrim khlem ki kot ki sla kiba biang.
Ha kane ka jingkhynra ba la ïalam da u President bad u General Secretary ka Unit, ka seng ka la lap ba ki nongbylla bar jylla ki dei ki bym don ïa ki kot kiba pynshisha ïalade nangno ki wan bad khlem ka syrnod ba tikna na ka tnat Pulit jong ki Jylla ba ki wan la ki dei kiba la don dak sniew ne ki dei ki riew bymman.
Ki jaka kiba ka seng ka la khynra ïa ki jaka bylla jong ki bar jylla ki long ha Silicom, ha Rymbai Filling Station bad MLP 1st Bn.
Mar mar ka seng ka la pynsangeh ïa ka jingtrei bylla da kaba bthah ba ki dei ban leit pan shwa ïa ka Work Permit na ka tnad Labour ban pyn shisha sha ka seng.
Ka Seng ka la maham ïa baroh ki nongai kam ne ki Contractor ba ki dei ban aikam shwa ïa la ki para doh para snam.

Leave A Reply

Your email address will not be published.