Pynlong ka Party VPP da ka jingai snam, shi bynta ka jingrakhe dap 2 snem ka party ha ka jylla

Nongpoh, Naiwieng 20: Kum ka jingpynkhreh ban rakhe ïa ka jingdap 2 snem ka jingïaid lynti ka party bad ruh ban pynlait im ïa kiba bun kiba donkam snem ha ka pang ka shitom, ka Party VPP Ri Bhoi District mynta ka sngi ka la pynlong da ka jingai snam ei shi bynta ruh ban rakhe ïa ka World Blood Donors Day ba la pynlong ha ïing Dorbar Hall, Sajer Nongpoh.
Kane jingpynlong ïa kane ka jingai snam ei ka dei kaba la ïa trei ryngkat da ki nongïalam bad ki dkhot ka VPP na ki 5 tylli ki Constituency ka Ri Bhoi bad kum ki dkhot ki la mih shakhmat ban ai snam na ka bynta ban pynlong ïa kane ka sngi kaba jop halor ka thong jong ka party ym tang ban rakhe ïa ka jingdap 2 snem ka jingïaid lynti ka party, hynrei ban shakri na ka bynta ka jingdonkam jong ki paradoh ki para snam.
Lyngba jong kane ka sngi, ba la pynlong ïa kane ka sngi ban ai snem ei, ki dhot bad ki nongïalam ka VPP kiba la wan ban ai snam ei ki la kot kumba 20 ngut.
Haba ai jingkren ruh ha kane sngi, u Organizing Secretary ka VPP Nongpoh Constituency, u Bah Aristone Ryngdongsngi, u la ong ba kane ka jingpynlong ïa ka jingai snam ei sha ka Blood Bank, kam dei satia tang ba ka party ka rakhe ïa ka jingdap 2 nsem ka jingïaid lynti, hynrei kaba kham kongsan ka long ban ai snem ei na ka bynta ban pynlait im ïa kiba bun ki paradoh ki para snam kiba donkam snam ha ka por ba kyrkieng ha ka pang ka shitom.
Shuh shuh, u la ong ba kum ka party ka kyntu ruh ïa ki paradoh ki parasnam ba kin mih shakhamt ban ai ïa ki snam jongki, namar ka jingmih jongki shakhmat ban ai snema ei kam dei kaba pynleh nohei, hynrei kiba bun kiba pang ba shitom na ki paradoh ki parasnam ki donkam snam ha ka por ba ki donkam kyrkieh ha ka pang ka shitom bad lada ngi kloi ban ai ka jingïatrei lang ka long ka jingkyrkhu ïa ki paradoh ki parasnam hapoh ka jylla hi baroh kawei, u la bynrap