Nongpoh, Naiwieng 05: Kawei ka Night Super Bus kaba don ïa u registration number AR-01-M-7947, kaba kit ïa kumba 35 ngut ki briew kaba dang mih na Duliajan, Dibrugarh ban leit sha Guwahati, ka la kylla kynsan ha surokbah NH-27, ha Jorabat, ha ka step jong ka sngi Palei.
Katkum jingtip bala ioh lum la ong ba katei ka jingjia ka la jia ha ka por kumba 5 baje mynstep, ha kaba la suba u nongñiah u la pynher sted palat ïaka bos haduh ba um lah shuh ban tehlakam ïaka kali bad kylla syndon ha katei ka jaka ba kham khongdong. Ha katei ka jingjia, lai ngut kiba shong hapoh katei ka bos ki la mynsaw jur, katba kiwei pat ki la mynsaw malu mala.
Mar ïa ïoh jingtip shaphang katei ka jingjia, ki Pulit jong ka Jorabat Police Outpost ki la poi mar-mar sha katei ka jaka ban ai jingïarap bad pynkit ïa kiba mynsaw sha jaka sumar.
Ïa kitei lai ngut kiba la mynsaw jur la pynkit noh sha Guwahati Medical College and Hospital (GMCH) ban ïoh ïa ka jingsumar kaba biang, katba ka jingtohkit halor katei ka jingjia ka dang ïaid shakhmat.
