Khliehriat, Risaw 30:Ka Khasi Students Union Thangraiñ Unit kaba hap hapoh ka jingpeit jong ka KSU Myntang Circle, hynnin ka sngi ka la pynlong ïa ka 1st v Maitshaphrang Knock-Out Football Tournament 2022, kane ka lympung ïalehkai football ka long kum shibynta ban kyntiew bad pynshlur ïa ki samla kiba don ka sap ïalehkai, u Organising Secretary jong ka KSU Jaiñtia Hills District Unit, u bah Agustan Timung u la wan ban plie pyrda ïa kane ka tournament.
La pynlong ïa kane ka tournament ha Madaw ïawmuchai (Thangraiñ) bad la ïa don ryngkat lang u Secretary shnong, u bah Loadstar Nongjngi, u samla Daeimi Liam, President ka Shilliang Myntang Circle, ki nongialam bad ki dkhot jong ka KSU Thangraiñ Unit bad ki nongshah khot sngewbha.La sdang ïa ka jing ïalehkai da ka Eagle FC (Mynsngad) pyrshah ïaka Turchaphrang FC (Thadbamon) ha kaba ka Eagle FC Ka la lah ban pynliem noh ïaka Turchaphrang da 2 kol la-0 kol.
