Kynduh DMHO ka HITO ban thep kam ïa ki samla ba la biang kyrdan pule

Ba don kiba trei ar maloi haka tnad ka koit ka khiah

0

Nongpoh, Risaw 30 : Ka seng Hynniewtrep Integrated Territorial Organization (HITO), Ri-Bhoi District haka sngi thohdieng kala leit ban ïakynduh syndon ïa u DMHO ka Ri-Bhoi u Dr. P Kharnary naka bynta ban pynsngew halor ka jingkyrduh kam ki samla bad khamtam ban buh ïaki samla naka district hakhmat lada don ki kam kiba lait ha ka tnad ka koit ka khiah naka bynta ki samla kiba la biang ka kyrdan pule.
Haba phah ïaka kyrwoh naka liang u Bah Apbor Nongrum Working President ryngkat bad u Bah Kenny Nongrum Secretary kila pynpaw ba ka daw bala pynlong ïaki ban leit kynduh ïa u DMHO ka dei namar ka jingioh jingtip ba ki don katto katne ngut kiba trei ar maloi haka tnad ka koit ka khiah ha Ri-Bhoi katba bun kiwei pat ki samla ki shu shong iing khlem kam khlem jam watla kila biang ka kyrdan pule kaba ïahap bad ka kam.
K ila dawa ruh naka tnad ka koit ka khiah ba lada don ki kam kiba lait haka tnad ka koit ka khiah ki dei ban phai khmat shuwa ïaki samla naka district lada don ki kam ba lait namar bun ki samla pule kila pyndep ïaki kyrdan pule kiba biang, hynrei ki hap ban shu shong iing khlem kam khlem jam.
Halor katei ka bynta naka liang u DMHO u la kular ban shimkhia ïaka jingkyrpad jong ka seng naka bynta ka jingmyntoi jong ki samla haka district.

Leave A Reply

Your email address will not be published.