Plie ka thei ïalehkai phutbol ka India ba napoh Jirang ïa ka ïingthymmai jong ka Jirang Block

Nongpoh, Risaw 12: U Myntri Rangbah ka jylla u Conrad K Sangma mynta ka sngi u la ailad ïaka samla Ribansi Jamu ka thei ïalehkai phutbol ba pawnam ka ri India na Jirang, ban plie ïaka building ba thymmai jong ka Jirang C&RD Block bala tip ruh kum ka Block Integrated Development Complex.
Ha kane ka sngi nalor u Conrad K Sangma la sakhi ruh da ka jingdonlang u Bah Sosthenes Sohtun myntri ka tnad C&RD, Rona Khymdeit MDC, CVD Diengdoh, Commissioner and Secretary ka tnad General Administration Department (GAD), S.C. Sadhu, Director ka tnad C&RD, u Dr Abhishek Saini Deputy Commissioner ka Ri-Bhoi, u Giri Prasad Superintendent of Police, Vaibhav Anand Sharma, SDO, Patharkhmah Civil Sub-Division, ki riew rangbah, ki ophisar sorkar, ki nongïalam shnong bad kiwei kiwei.
U Conrad Sangma u la ong ba kumba 56 tylli ki ophis jong ki C&RD Block haka jylla kila ioh ïaki ophis treikam kiba thymmai kumba la angnud da ka sorkar bad ai ka jingkhublei ba kyrpang ïaka tnad C&RD bad ruh kumba 4.50 klur la mang pisa ban tei ïaka ophis ba thymmai jong ka Mawhati C&RD Block ha Ri-Bhoi District.