Nongpoh, Kyllalyngkot 03: Ki nongïalam ka BJP Mawhati Mandal kum ka jingkynmaw burom ïa u weina u nongïalam ba radbah ka dong Ri Bhoi bad ha ka jylla hi baroh kawei, wat lada umdon shuh ha sla jong kane ka pyrthei, hynrei ban ioh ïa ka jingkyrkhu kum ki nongïalam ha ka 1 tarik u Kyllalyngkot kaba dei ka sngi snem thymmai ki la leit ban buh syntiew ha u Lum jingtep utei u nongïalam ban buh ïa ki jingduwai bad ruh ban pan ïa kata ka jingkyrkhu.
Une u nongïalam ba radbah ka them Ri Bhoi bad ha ka jylla hi, u dei u Fr. Sylvanus Sngi, uba la khlad noh na kane ka pyrthei, hynrei ki kam ba khraw bad ki matti kiba ula ïalam ka la pynlong ïa ki nongïalam ka BJP Mandal ban kynmmaw burom ïa une u Nongïalam bad uba dei ruh u nongïalam niam ka Balang Katholik.
Haba pdiang ïa u snem 2023 ba un long u snem ba pahuh pahai bad ba dap kyrhai da ki jingkyrkhu, ki nongïalam ka BJP Mawhati Mandal ha ka jingïalam u President, u Bah Shanbor Rympei bad u Dr. Evarist Myrsing kum u kyrtong ka BJP bad kiwei dei ki nongïalam ha ka 1 tarik u Kyllalyngkot 2023 kaba dei ka sngi kaba nyngkong eh ban pdiang ïa u snem thymmai ki la leit ban buh syntiew ha u lum jingtep ba la tep don burom ïa u Fr. Sylvanus Sngi ha Nongbah Shillong,
Kumba la pynpaw da u Dr. Evarist Myrsing,uba dei u kyrtong ka BJP na Mawhati ban aireng ha kane ka election 2023 hapoh ka jylla, ka daw kaba la pynlong ïa ka BJP Mawhati Madal ban kynmaw burom ïa une u nongïalam, ka dei namra ba u Fr. Sylvanus Sngi u dei na ka thain Thaiang kaba don ha Mawhati bad kum ki nongïalam ki kynmaw burom ka long ruh halor ka nongrim ba kum u nongïalam na katei ka dong bad ka thaiñ u la noh synniang shibun eh sha ka imlang ka sahlang.
U Dr, Evarist Myrsing u la ong ruh kum ki nongïalam ki da kynmaw burom ïa une u riew khraw katei ka thaiñ wat lada um don shuh ha sla jong kane ka pyrthei bad ki matta bad ki synñiang kiba u la trei na ka bynta ka jaid bynriew kin ïai neh shi ryta bad kin ïai kynmaw ruh shi junom.
Shuh shuh, u la bynrap ruh da kaba ong, ba ha kane ka jingleit buh syntiew ki la pynlong ruh da ka jingduwai kyrpang ïa ka mynsiem jong I ba kan ioh ïa ka jingjahthaid kaba bym jukut bad ha kajuh ka por ruh ki pan ka jingkyrkhu kyrduh ba un ïasaid lem na ka bynta ka Mawhati ba ha kane ka jingpynkhreh ban aireng ïa ka election kan long kaba jop bad ruh ka Mawhati kan dang lah ban pynmih shibu ki nongïalam kiba don ka jingkitkhlieh ïa ka dong bad ka thain kumba la ïalam lynti da une u nongïalam kaba ka pyrthei ka tip halor shibun ki synñiang ki bynhei ba la noh synñiang da u Fr. Sylvanus sngi ym tang ha ka Balang Katholik bad ha ka jylla hi baroh kawei, u la bynrap.
