La sdang ïa ka jingai injek Special Immunization Campaign ha East Jaiñtia Hills District

Khliehriat Kyllalyngkot 17: U District Medical & Health Officer, East Jaiñtia Hills District, ha ka khubor ba u phah, u la pynbna paidbah ba la sdang ïa ka jingïa injek Special Immunization Campaign hapoh East Jaiñtia Hills District. Ïa kane ka Special Immunization Campaign ka ban long lai sien (Three Rounds) la sdang hynnin ka sngi ka 16 tarik u kyllalyngkot 2023 bad yn sa pynlong biang ha ka 16 tarik u rymphang, 2023 bad ha ka 16 tarik u lber, 2023.
U la ong ruh ba kane ka injek Special Immunization Campaign ka dei ka lad ban ïada ïa ki khynnah kiba naduh 0- 5 (San) snem ka kyrta ba kin lait na ki jingpang bapher bapher kiba ktah ïa ka jingkoit jingkhiah, kane ka dei ruh ka tikaa kaba khlem kano kano ka jingsiew ha ki hospital sorkar kum ki District Hospital, CHCs, PHCs bad Sub- Centre. Kumjuh ruh, ki longkmie kiba armet kin sa ïoh ïa ki tika Tetanus- Diphtheria Vaccine ha kane ka campaign, Special immunization campaign.
Shuh shuh, u District Medical & Health Officer, East Jaiñtia Hills District, u la pyntip ba kine ki injek (vaccine) lane dawai tika ki dei kiba bha tam bad yn sa ai ïa ki da ki nongtrei jong ka tnat ka koit ka khiah ki ba lah dep ioh jinghikai ba pura lane ki ANM ba don ha ki CHC/PHC/ Sub- Centre ki ba don hapoh ki shnong.