La rakhe ïa ka sngi ki nongthep vote ‘13th National Voters Day ha EJHD da ka Cycle Rally

Khliehriat, K’lyngkot 25: Ka ophis jong u Deputy Commissioner East Jaiñtia Hills District, mynta ka sngi ka la pynlong ïaka prokram ba kyrpang kaba dei ka sngi jong ki nonbthep vote lane ka Voters Day ha kaba la pynlong da ka Cycle Rally ka ba long ruh kum ka jingai jingpynshai halor ka jingthep vote bad ka ban long ruh kum ka jingai mynsiem ïa ki paidbah nongshong shnong khamtam kito ki nongthep vote kiba dang shu thep vote nyngkong ba kin wan ban shimbynta ha ka jingthep vote ha kane ka election ka ban wan.
Ïa ka Cycle Rally la pyllait lama na Lad Sohkymphor da u Additional Deputy Commissiner ka East Jaiñtia Hills District, u bah A.Nongbri, MCS bad la pynkut ïa kane ka rally ha phyllaw ka ophis u Depury Commissioner ha Khliehriat.
Haba kren ha ka jingïalang, u bah A. Nongbri, MCS, u la ong ba ka jingthep vote ka dei ka hok jong uwei pa uwei u nongshong shnong jong ka ri, kumta kum ki nongthep vote ki dei ban kiar na ka jingshah thied bad ki dei ban pyndonkam hok ïala ka jong ka hok ban thep ïa ka vote, u kyntu ruh ïa kiba la wan sha kane ka prokram ba ki dei ban pynsaphriang ïa ka khubor sha kiwei ruh ba kiwei ruh ki dei ban sngewthuh ïa ka jingdonkam ban thep ïa ka vote bad u pynshlur ruh ïa ki nongthep vote kiba don hapoh ka district ba ki dei ban mih sha khmat ban wan thep ïa ki vote jong ki ha kane ka Meghalaya Legislative Assembly Election 2023 ka ban sa long shen.
U Additional Deputy Commissioner ka East Jaiñtia Hills District, u bah J.Shylla, MCS u la sam ïa ki syrnot sha baroh kito kiba la ïa shim bynta ha ka Cycle Rally.