Pynkhalai ka BAM-JH ïa ki ticket Lucky Draw-2023

0

Jowai, K’Lyngkot 25: Mynta ka sngi 25 tarik u Kyllalyngkot ka Bouncers Association of Meghalaya Jaiñtia Hills (BAM-JH) kala ïoh ban pynkhalai ïa ki ‘Ticket Lucky Draw’ mynta ka snem 2023 kaba dei ruh ka sien ba ar ha ka jingïalang kaba la long ha Infinity Hall Mooralong Jowai.
Hashwa ban pynkhalai ïa kine ki Ticket Lucky Draw la don ka jingïalang ba lyngkot ba la pynïaid da u ma Yoosar Kynjing President BAM-JH, uba la pynpaw ka jingsngewnguh kaba khraw eh ïa baroh ki para dkhot kiba la trei shitom met bad mynsiem ban pynïaid ïew ïa kine ki Ticket shi bynta ban pynmih pisa katba kot ka bor ïa ka seng.
Ki nongjop ha kane ka jingpynkhalai ki long kumne ïa ka 1st Prize: 5513 kaba long arphew hajar tyngka, 2nd Prize: 7983 shiphew hajar tyngka bad ka 3rd Prize: 10378 kaba long 5 hajar tyngka. U Kongsan, ma Pyndaplang Muksor (Rank. Camp Commander & Training i/c Tornando Security Agency Iooksi Umdeinlin WJH) haba ai jingkren ula pynpaw ka jingai khublei ba kyrpang ïa ka BAM-JH kala noh synñiang shibun ki kam ba bha hapoh ka District hi baroh kawei.
“Ka seng ka la kyrshan radbah naduh ba wan lynshop ka khlam Covid-19 da kaba ïatreilang bad ki bor District, ki jingap pahara haba don ki tamasa, ki jingïathoh bad kiwei de.”
Kiwei de kiba ai jingkren ha kane ka sngi ki kynthup ïa u ma Welborn Phawa (Senior Security Card), ma Chebha Passah Ex. Art & Culture ka JSU C.B nalor ka jingïadon lang ki dkhot ka BAM-JH, katba ïa ki kyntien ai khublei la ïoh na samla Rihokmika Sumer office Secretary Women Wings BAM-JH.

Leave A Reply

Your email address will not be published.