Nongpoh, Kyllalyngkot 25: Na ka bynta ban peitngor ba ka jingpynkhreh ïa ka election 2023 kan long kaba ïaid beit ïaid ryntih bad ki paidbah kin bud ryntih katkum ki kyndon ba la pynjari ha ka section 144CrPC bad ruh ka Model Code of Conduct, ka ophis u Deputy Commis sioner ka Ri Bhoi ka la buh ïa ka Monitoring Control room bad ka Call Centre na ka bynta ban ïarap ïa ki paidbah ba kin pyntip ïa kino kino kiba pynkhein ïa ka Model Code of Conduct.
Ka kyrwoh ba la phah na ka ophis u Deputy Commissioner ka Ri Bhoi, u Arpit Upadhayay ka la buh kyrpang ruh ïa kane ka Monitoring Control Room lane ka Call Centre, ka dei shi bynta ban wan rah ïa ka jingpynkhreh ïa ka election bad ban jied ïa ki nongmihkhmat ha ka election 2023 kan long kaba ïaid beit ïaid ryntih.
Na ka liang ka ophis u DC ka la kyrpad ruh ïa ki paidbah ba lada ki lap ïa kino kino kiba pynkhein ïa ki kyndon jong ka Model Code of Conduct ki lah ban phone ha kine ki number (1) 1950 (2) 03638-296017 (3) 70057-86077 bad ka bor synhar District kan sa leh ïa kaba donkam kumba la pynjari lyngba katei ka kyndon aiñ na ka bynta ban nym don kano kano ka jingpynthud ïa ka shongsuk shongsain ki paidbah ha kane ka jingjied ïa ki nongmihkhmat jong kane ka election 2023 hapoh ka jylla.
