Khliehriat jymmang 29: Ha ka jingïalang ba la pynlong myn ha ka 28 tarik mynta u bnai, la pynkhie im biang pat ïa ka Khliehriat Block Congress Committee bad ïa ka jingialang la pynïaid da u Vice President jong ka KBCC, u bah G.Phawa bad la ioh ruh ïa ka jingkren maitphang na u President, u bah T.Sana.
U bah T.Sana u la ong ruh ba ka la dei ka por ban iatylli bang kum ka party, ban trei shitom na ka bynta ka party, ban pynkhie im biang ha ka wei ka jingmut khnang ban lah ban kyntiew ïa ka bha ka miat ha ka imlang ka sahlang, ka Committee ka don ruh ka thong ban ïasaid na ka bynta ka hok jong ka ri bad ka muluk.
Ha ka ne ka jingïalang la ïa don ryngkat lang ruh u District President jong ka East Jaiñtia Congress committee, u bah Thijlang Shyrmang, uba long kum u nonglam lynti, ïa ka party kaba dei ka party kaba ju peit ïa ki paidbah solonsar bad ka party kaba don ka nongrim, ong u kyrwoh.
La don lang ruh u President jong ka Khliehriat Block Youth Congress Committee, u bah Barister Suchen, Vice president, KBYCC, u bah Mechanki Dkhar, ka District Mahila President, ka kong Jhanika Siangshai bad u President jong ka Congress Wapung Circle, u bah Khmihbha Phawa.
