Leit pynsangeh ka KSU ia ka personal interview thungkam ha ophis u DMHO Ri Bhoi

0

Nongpoh, Jymmang 29: Ki samla thep kam na kylleng ki jaka naka dong Ri-Bhoi bad ka jylla mynta ka sngi kila pynpaw ka jingsngew diaw halor ka jingkynnoh ba la pynmih sop sop ïaki kyrteng jong ki samla kiba shah jied ban ïakhun ïa ka personal Interview khlem ka jingtip jong kiwei pat ki samla thep kam watla ki don bun ngut kiba la thep kam ha ophis u DMHO Ri-Bhoi District halor ka post Staff Nurse bad Store Keeper.
Katkum ka jingpynbna (Advertisement) naka ophis u DMHO, Ri-Bhoi District kila don 8 tylli ki post ba lait ba kynthup 1 ka post Store Keeper, 6 tylli ki Staff Nurse (PHC/CHC), bad kawei ka post Staff Nurse (RBSK), hynrei kaba pynlyngngoh ngaiñ ïaki samla thep kam mynta ka sngi, hadien ba kila poi ha ophis u DMHO kila iohi pynban ba kila don lypa ki kyrteng kiba la dep pynmih ban ïakhun ïaka Personal Interview.
Haba kren sha ki lad pathai khubor kawei ka samla thepkam jong ka post Staff Nurse kala pynpaw ka jingsngewkhia kaba jur ban poi ha ophis u DMHO khlem ka jingpyntip ïaki samla thep kam la pynmih lypa ïaki kyrteng jong kiwei pat ki samla kiba la shah jied ban ïakhun ïaka Personal interview, khlem da pynmih ruh haki website haba ki samla kila pyrshang ban wad jingtip, bad katei ka jingleit jong ki ha katei ka sngi ka long ka bym don nongrim namar namar naki 6 tylli ki post Staff Nurse tang 5 ngut kiba mih kyrteng, bad kala biang ban thung syndon da kitei ki samla kiba la mih kyrteng lypa, la ong katei ka samla.
Naka liang katei ki samla kala leit ruh ban wad jingshai, shano ka kyrteng kiwei pat ki samla haba kitei ki post ki dei kiba khlem da ïaleh eksam, hooid haka jingthep kam ki don ki samla kiba shah jied bad don ruh kiba shah kyntait, hynrei ka ophis u DMHO kala dei ban pyntip naduh ba sdang bad dei ban pynmih da ki kyrteng, hynrei katei ka jingpynmih kyrteng tang 5 ngut ban ïakhun ïaka Interview haka post Staff Nurse ha ophis u DMHO ka dei kaba la pynsuba sniew ïa baroh bad kam don jingmut ban pynlong Personal Interview, la ong katei ka samla da kaba bynrap ruh ba naka liang ki bor ba dei peit kila pynshai ba kila jied ïa kitei ki 5 ngut lyngba ki Internal Marks, u dak jingkylli ba heh hakhmat ki samla thep kam ha katei ka sngi ka long ba ki jied naka Internal Marks aiu haba khlem ïaleh eksam.
Shuh shuh katei ka samla kala ong ruh ba haka Advertisement naka liang ka ophis u DMHO ka pan ïa kiba la trei kum ki Staff Nurse haka por Covid-19 bad kiba don experience kumba 3 snem, bad kaba sngew lyngngoh ba shano kita ki samla kin ioh experience haduh 3 snem ban trei kum ki Covid Nurse haba u Covid-19 u wan lyngshop tang kumba 1 snem ne 2 snem duna.
Halor katei ka kynrum kynram kaba la mih ha kaba ïadei bad ka Personal interview ha ophis u DMHO hadien ka jing ujor ki samla thepkam naka liang ka KSU hapoh ka jingïalam u Bah John Lyngdoh President ka Nongpoh Circle mynta ka sngi kila leit mar mar sha ophis u DMHO ha Nongpoh bad pynsangeh mardor ïa katei ka jingthung kam bala pynsuba sniew ïa baroh ki nongthep kam ba ki dei ki briew kiba la don lypa bad dei ki briew jong ki Minister bad MLA bad kyntu ruh ïaka ophis u DMHO ba dei ban ai jingshai halor katei ka bynta bad ban pynbeit ïaka kynrum kynram ban sangeh shuwa ban pynlong ïaka Interview katba kim pat lah ban pynbeit.

Leave A Reply

Your email address will not be published.