Khliehriat iationg 19 : Ka Dorbar Shnong Bataw, ha ka Dorbar ba la pynlong myn ha ka 18 tarik mynta u bnai, ka la ïoh ban jied thymmai ïa ki nongkitkam shnong kiba ban trei naduh mynta u snem 2023 haduh u snem 2025, ha kaba la wan ban ïa shim bynta lang da baroh ki longkmie, longkpa bad ki khun samla jong ka shnong, ïa kane ka Dorbar la pynïaid da u bah J.R.Pyrtuh uba dei uwei na ki dkhot jong ka Elaka Rymbai.
Ha kane ka Dorbar la jied ïa u Waheh Shnong, u bah Skem Sumer, Assistant Waheh Shnong, u bah Martin Lyngdoh, Secretary Shnong, u bah Deihok Sumer, Assitant Secretary shnong, u bah Jeki Lakhi, Treasurer, u bah u Noren Palong, Chairman, u bah Bhalang Suchiang.
La jied ruh ïa ki dkhot sha ka Executive ba kynthup ruh ki longkmie, ka kong Magreshia Sumer,ka kong Maryooki Lakhi, ka kong Merciful Suchiang lem bad ki katto katne ngut ki riew rangbah jong ka shnong.
