Nongpoh, Ïaiong 24: U wei u rangbah u ba la tip kyrteng kum u Robin Munda 45 snem ka rta ba shong ba sah haka shnong Pahamsyiem ha Ri-Bhoi u la jah noh nala iing naduh ka 10 tarik Ïaiong 2023 haka por janmiet.
Katkum ka jingïathuh ka Khalija Munda kaba dei ka para ka jong u Bah Robin kaba ri ba sumar ïa u kala ïathuh ba u Bah Robin Munda u dei u ba don jingduna haki bynta ka khlieh, bad ka hakatei ka sngi shwa ba un jah noh nala iing ka la iohi khatduh ïa u harud surok bah ka shnong Pahamsyiem hynrei ka khlem shym poi pyrkhat pat ba un jah hakatei ka sngi.
La ïathuh ruh ba kat kum ki briew kiba la iohi ïa u hakatei ka janmiet ki la ïathuh ba u la kiew da kawei ka kali kaba ym lah ban ithuh satia bad naduh katei hi ka sngi u khlem wanphai shuh, kumta naka liang ki bahaïing kila buh ka jingkyrpad ba lada don mano mano ba iohi ba kin sngewbha ban pyntip sha ki bahaïing da kaba phone ha u number 762967195 lane sha ki police station ba hajan eh.
