Kumba 100 ngut ki heprit na ki longïing ba duk jied ka BJYM bad Mahila ban kyrshan shong skul

Shillong, Nohprah, 22: Kumba shispah ngut tam ki heprit kiba wan na ki longing kiba duk kiba shong basah ha ki shnong kiba hap hapoh ka North Shillong Constituency ki la shah jied kyrpang ban ïoh jingiarap na ka bynta ba kin bteng ïa ka jingshong skul jong ki ha u snem 2023 ha ka jingïalang kaba la pynlong ka Bharatiya Janata Yuva Morcha (BJYM) bad ka Mahila Morcha ha Ophis treikam jong ka BJP 17th North Shillong Mandal ha ka sngi Palei.
Ha kane ka jingïalang kaba la long ha ka ophis treikam ha Riatsamthiah la ïashim bynta lang da u Bah M. Kharkrang, (Retd IPS) uba long ruh u State Executive Member bad u Spokeperson jong ka BJP Meghalaya State Unit.
La sdang ïa kane ka jingïalang da ka jingkren shaphang ka khubor Khristmas da u Pastos Macdonald Pyngrope bad la pynbud pat sa ka jingduwai bad ka jingkyrkhu ïa ki khynnah rit kiba la shah jied ban ïoh pdiang ïa ka jingïarap na ka bynta ka jingpule jong ki.