Shillong, Nailur 20: Hynne ka Sngi Balang na ka liang jong ka Meghalaya Basketball Association ka la ïoh ban pynlong ïa ka prokram kitbok kitrwiang shuwa ba ki rang bad thei lehkai 3×3 Basketball jong ka jylla kin leit ïakhun sha ka lympung 3×3 National Basketball Championship ka ban long ha Chennai. ïa kane ka prokram la pynlong ha J.N. Sports Complex, Polo ha kaba u Bah Samborlang Diengdoh bad Kong Khamti Massar (Sports promoters jong ka Meghalaya) ki long kum ki kongsan kiba la aiti ïa ki jersey sha ki player.
Kiba la ïa donryngkatlang ha kane ka sngi ki kynthup ïa u Bah Joel Marbaniang (President Meghalaya Basketball Association) bad u Bah Wallambok Iawphniaw (Joint Secretary Meghalaya Basketball Association).
Kane ka lympung Championship 3×3 Basketball kan sdang naduh ka 22 tarik haduh 24 tarik Nailur, 2023.
Ka thup kyrteng jong ki player ki long: Shynrang, Renaldy Jyrwa, Iohborlang Shadap,Elvinson Marbaniang, Dennish Ale.
Kynthei:Iairy Suzanna Sangma, Ucilia Pyngrope, Larihun.A.Warjri , Caroline Kharpuri
