Shillong, Naiwieng 01: Ka sorkar pdeng ka la ïasam sa kawei na ka jingïohnong na ka khajna ba la lum sha ka sorkar jylla kaba la kot sha ka 1,09,019 klur tyngka ha ka 31 tarik Risaw 2026, kaba long kawei pat ka jingpyllait pisa kaba man la u bnai. Kane ka long ka jingsam pisa kaba ar ha une u snem mang tyngka.
Kane ka jingsam pisa ka dei na ka daw jong ka jingwan ka aïom leh kmen khnang ba yn pynlong ïa ki jylla ba kin lah ban nang pyndonkam ïa ka pisa ha ki kam ban kyntiew ïa ka roi ka par bad ban pynlut ha ka bha ka miat ha kaba ka Meghalaya ka la ïoh T.688 klur.
Kiwei ki jylla ka North East kaba ïoh bun dei ka jylla Assam ka la ïoh T.3552 klur tyngka, ka Arunachal Pradesh ka la ïoh T.1476 klur, Manipur ka la ïoh T.682 klur, Mizoram ka la ïoh T.615 klur, ka Nagaland ka la ïoh T.524 klur bad ka Tripura ka la ïoh T.699 klur.
