Jowai, Naiwieng 01: Ka jingïakhun ‘Semi Final’ jong ka lympung ïalehkai First Division League 2026 kaba la tip kum ka Thomas Nongtdu Memorial Trophy, bala pynïaid daka East Jaiñtia Hills District Football Association (EJHDFA), kaba la long mynta ka sngi 31 tarik Risaw, 2026 ha madan Artificial Diengshynrum, Khliehriat.
Haba phai sha ka jingïakhun Semi Final ba nyngkong naka liang ka kynhun ïalehkai jong ka R.Synrangshahkhain SC kala jop da 1-0 kol ïaka Khliehriat East YWSC, ïa katei ka shikol naka R.Synrangshahkhain SC la thep da u Seigoulen Kipgen haka minit ba 84.
Ha kane ka sngi ïa ka nam Player of the Match la ïoh rah da u Seiminlal Haokip naka kynhun R.Synrangshahkhain SC
Da kane ka jingjop ka Rymbai Synrangshahkhain SC kala ïoh ban rung sha ka phainal jong kane ka lympung bad ïoh ban kiew ruh sha ka kyrdan Super Division haka Aiom ban wan (next season).
