Ka Kong Ampareen ka dei ban ïeng ha ka nongrim u nongseng ka NPP halor ka mat Garoland: GSMC

Tura, K’lyngkot 08: Ka Garoland State Movement Committee (GSMC) ha ka sngi u Blei ka la pynkynmaw ïa ka nongai ktien ka NPP ka Kong Ampareen Lyngdoh ba ka dei ban ïeng ha ka nongrim kaba u nogseng ka NPP u Purno A Sangma u la ïeng mynba u dang don ha kane ka pyrthei halor ka jingdonkam ban phiah ïa ki jylla ha ka ri sha ki jylla ba kin kham rit.
“ka jingkren jong ka Kong Ampareen ha kine ki khyndiat sngi kiba la dep halor ka jingdawa jong ngi ban phai ïa ka jylla Meghalaya sha ka Khasi State bad Garoland ka pyni ba kam tip ïa kaei kaba u nongseng ka party kaba ka don u ju kren mynba u dang don ha sla pyrthei,” ong u Ryan Ch Marak u nongaiktien ka GSMC.
“Ngi kwah ban pynkynmaw ba u PA Sangma ha ka por ba u dang don ha sla pyrthei u la kren khia halor ka jingdonkam ban phiah ïa ki jylla sha kiba kahmrit bad ïa kane ka mat u la kren eat ha Parliament ruh,” u la bynrap.U la ong ruh ba ka GSMC ka la ïakren bad ki nongïalam na rilum Khasi bad Jaintia halor kane ka mat kaba ma ki ruh da kawei ka jingmut ki pynpaw ba ki kwah ban don noh la ka jong ka jylla.