Shillong, K’lyngkot 08: U Myntri Sorkar ka Pdeng ba dei khmih ïa ka Tnat Fisheries Animal Husbandry and Dairying, u Parshottam Rupala, un leit jngoh ïa ka South West Garo Hills district jong ka jylla Meghalaya, kaba don ha khappud bad ka ri Bangladesh ha ka 9-10 tarik Kyllalyngkot, 2023 bad kane kan long ka sien ba nyngkong ba u Myntri ha ka Kynhun Myntri jong ka sorkar pdeng un leit jngoh ïa kane ka thaiñ khappud.
Ha ka 9 tarik Kyllalyngkot, 2023 u Myntri un pynïaid ïa ka jingïalang peit bniah jong ki skhim bapher bapher jong ka Sorkar India ha Ampati, South West Garo Hills ha ryngkat ka jingdonlang ki ophisar sorkar bad kito kiba don bynta ha kane ka kam.
Ha ka 10 tarik Kyllalyngkot 2023, u Rupala un ïakynduh ïa ki kynhun Self Help Group jong ki longkmie, ki nongri jingri bad ki briew kiba trei ha ki kam ri dohkha jong ka thaiñ. Un leit jngoh ruh ïa ka Ïew Khappud ha Bangladesh ban ïakren bad ki briew ba sah ha kane ka thaiñ.
