Shillong, Naitung, 16: Ha ka sngi rakhe ïa ka Labour Corps Day, u MDC jong ka Tura u Bernard N. Marak uba long ruh u nongïalam jong ka BJP u la ïaiban ba ka jingdawa ïa ka nongbah Tlang ha Tura ka dei ka jingdawa kaba shongnia.
Ha u kyrwoh, u Marak u la ong, shwa ban ïasoi ïa ka “soskular ïasuk” ka nongbah Tlang ka dei kawei na ki thong ba hakhmat eh ha ka jingdawa ba la buh hakhmat jong ka Sorkar Pdeng naduh 12 snem mynshwa.
“Ïa ka nongbah Tlang la kular sha ki paidbah ka rilum Garo naduh 50 snem mynshwa ha ka por ba la ïoh ïa ka jylla bapura bad kane ka kam la pynsahteng da ki nongïalam barim ïa kaba la pynsngew biang hadien ka jingïasoi ïa ka soskular ïasuk,” u la ong.
U la kynnoh ba ka sorkar ka la phiel ban pynlong ïa ki jingïalang pyrkhat kam kiba manla ka por namar ka jingwan lynshop jong ka khlam bad bun na ki jingdawa ba shongnia ki la shu jah rngai kumto.
“Ka jingpyntreikam ïa ka jingïasoi soskular ki lai liang mamla kam shym la long kumba la khmihlynti na ka daw ka jinglehklet jong ka Sorkar,” ong u Marak bad bynrap, ki surok, ki jingtei bad bun ki kam pynroi ki la urlong hadien ïa ka jingïakren ïa kiba ka Sorkar ka la shim kabu katba ki nongïalam kiba don bynta ban ïasoi ïa ka soskular ki shah kyntait sharud.
Shuh shuh u la ong ba ka jingdawa jong ki paidbah ïa ka nongbah Tlang ha Tura ka dei ka jingdawa bashong nia kaba u Myntri Rangbah ka Jylla u Conrad K. Sangma u dei ban pynsdang.
U la ong ba ka BJP ka burom ïa ka jinglen lade jong ki Garo ha ka jingïakhih dawa jylla bapura.
Kiba bun ki la len la ka jong ka jingim na ka bynta ka ‘jingbha jong ka lashai” na ka bynta ki khun ki kti bad ban pynskhem ïa ka khyndew, ka kolshor, ka tynrai, ka ktien ka thylliej bad kiwei kiwei.
Ka BJP ka la pynrung ruh sa ïa ka mini secretariat ha ka jutang elekshon kum kawei na ki jingdawa ba kongsan ban pyntreikam kum ka jingkular sha ki paidbah ha ka jylla.
“Ka long kaba sngewsih, mynta ka sngi, ka dei ka Labour Corps Day ha kaba ki Garo kiba la len la ka jingim ha ri France hynrei tang khyndiat eh kiba la kynmaw burom ïa ki,” u la ong bad pynpaw ruh ba kane ka jingïakhih bad ka jinglen lada jong ki riewshimet kam dei ban long satia kaba sepei.
