Jowai, Nailur 10: Ka jingïalehkai phutbol bala tip kum ka (L) Keslieoy Pala Invitation Football Tournament 2023 bala pynïaid da ka West Jaiñtia District Sports Association (WJDSA) kaba la long hynnin ka sngi Saitjaiñ ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Rymbai Shkenshynriah FC kala pynliem da 3-1 kol ïa ka Mookyrdup FC, ïa ki kol na ka Rymbai Shkenshynriah FC la thep da u Ribiang Dkhar haka minit ba 57, u Chanmitre Thma haka minit ba 61 bad u Kynsai Lhuid haka minit ba 89.
Na ka liang ka Mookyrdup FC ïa ka shikol jong ka la thep da u Damang Kharbangar haka minit ba 11.
La pyntip ba ka jingïakhun haka 13 tarik ka long hapdeng ka Salaroh FC pyrshah ïa ka Rymbai War Jaiñtia Veteran FC ha ka por 2 baje nohphai sngi.
