Jowai, Nailur 10: Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long hynnin ka sngi Saitjaiñ ha madan Kiang Nangbah Stadium, Dongmihsngi Jowai.
Haba phai sha ka jingïakhun hapdeng ka Iawmulong Nartiang pyrshah ïa ka Pynthorlangteiñ, ka jingïalehkai ka la jam sha kaba kut ha kaba ka Iawmulong Nartiang kala pynliem da 3-1 kol ïa ka Pynthorlangteiñ ban khur shalade ïa ka namjop.
ïa ki kol na ka Iawmulong Nartiang la thep da u Sambirlang Nongtdeh u ba la ïoh pynkhih ar kol haka minit ba 52 & 70, nangta na u Heini Phalangki haka minit ba 71. Katba ïa ka shikol na ka bynta ka Pynthorlangteiñ la thep da u Wanbiang Bang haka minit ba 64.
Ka jingïakhun mynta ka sngi, ka 11 tarik u Nailur kan long hapdeng ka Chutwakhu pyrshah ïa ka Dongmihsngi haka por 12 baje mynsngi.
