Shillong, Nailur 10: Ka jingïalehkai jong ka lympung SSA U-20 4th DIVISION Football League 2023 kaba la long hynnin ka Sngi Saitjaiñ ha madan 3rd Ground.
Haba phai sha ka jingïalehkai kaba nyngkong kaba la long ha ka por 3:30 nohphaisngi, hapdeng ka Mawpdang SC pyrshah ïa ka Pynthorbah SC, ka jingïakhun ka la kut ha kaba ka kynhun jong ka Mawpdang ka la jop da 2 kol.
ïa kine ki ar kol na ka bynta ka Mawpdang la ïoh ban thep da u Wellborn Syiem ha ka minit kaba 35 jong ka kylla step bad bud sa ka kol kaba ar ha ka kylla miet na u Garywell Syiem (52 min).
Haba phai pat sha ka jingïalehkai kaba ar kaba la long ha ka por 5:30 janmiet, ka Lummawbah SC ka la ïoh ban khur ïa ka namjop kaba suk da kaba pynjemkhnap haduh 5 – 0 kol ïa ka Riatsamthiah SC.
Ki la don arngut ki rangïalehkai jong ka Lummawbah SC kiba la ïoh ban thep mar ar kol ha kane ka jingïalehkai, kine ki kynthup ïa u Nathanial Kharnaior (10 & 49 min) bad u Heini Paia Phalangki- (13 & 41 min), shi kol na u Fernando Sohklet (17min).
