SHILLONG, Nailur 20: Ka Nongumlong SC bad ka Tynring SC ki la ïoh ban khur pura ïa ki lai point hadien ba jop ïa ki jingïalehkai ha ka lympung Shillong Sports Association Third Division 2024 ba la long ha ka Sngi Thohdieng (20 tarik Nailur, 2024) ha SSA Ground, Polo. Ka Nongumlong SC ka la pynliem da 3-1 kol ïa ka Nongmynsong SC, katba ka Tynring SC ka la jop da 2 kol ïa ka Rynjah SC.
Ha ka jingïakhun kaba nyngkong ki kol na ka Nongumlong la thep da u Keswell Nongneng (27 minit), u Nehlang Kharsahnoh (66 minit) bad na u Sustain Nongbasap (81 minit). ïa ka Nongmensong la thep da u Kevin Lyngdoh (80 minit).
Ha ka jingïakhun kaba bud ki ar kol na ka Tynring la thep da u Commanding Swer (36 minit) bad na u Jesleyroy M.Pdah (51 minit).
