TSA 1st Division: Jop ka Evergreen, Ïakhaid ka Friends United bad Umjalasiaw
Mynta ka sngi ka jingïakhun Final jong ka 2nd Division jong ka TSA.
Jowai, Risaw 21: Ki resol jong ki jingïalehkai phutbol ka lympung ‘Hajan Shylla Memorial Football League 2026’ kaba dei ka kyrdan ‘First Division’ kiba la long hynne ka sngi Balang, 21 tarik u Risaw 2026, bala pynïaid daka Thadlaskieñ Sport Association (TSA) ha madan Wahiajer Multi Sports Complex Stadium.
Haba phai sha ka jingïakhun ba nyngkong ka Evergreen SC kala pynjemkhnap haduh 10-1 kol ïaka Maya SC ban khur ïa ka jingjop, ha kaba u Sunibai Suna (52, 54, 60 & 62’) u la pynkhihjar marwei haduh saw kol.
ïa kiwei pat ki kol jong ka Evergreen la thep da u Robest Syngkon (2’), u Teddyson Bang (4 & 35’), u Rimon Kharmuti (16’), u Dathrang Dkhar (30’) bad u Manbha Dkhar (48’).
U Ebiangmi Lamare u la thep ïa ka shi kol jong ka Maya SC haka minit ba 14.
Katba haka jingïakhun ba ar hapdeng ka Friends United bad ka Umjalasiaw SC ka la kut ha ka jingïakhaid da mar 2-2 kol.
ka Friends United ka la ïoh ban lamkhmat haduh 2 kol hadien ba u Same Syngkon u la pynkhihjar ar sien ha ka minit kaba 11 bad 14. Hynrei ka Umjalasiaw SC ka la jubab da kaba pynphai kawei shuwa ban jam sha ka por shongthait lyngba u Heimon Phawa (36’) bad pynïakhaid ha ka kylla miet lyngba u Leimiki Dkhar haka minit ba 73.
La pyntip ka jingïakhun ha kane ka sngi Palei 22.10.2026 haka kyrdan 1st Division haka por 10 baje mynstep ka Khliehtyrshi SC pyrshah ïaka Mookyndur Malngiang SC. Katba ka jingïakhun Final jong ka lympung ‘Joybell Suiam Memorial Football League 2026 jong ka kyrdan 2nd Division kan long haka por 1 baje shiteng nohphai sngi, ha kaba yn ïaknieh ïa ka nam lahduh hapdeng ka Shillong Police FT pyrshah ïaka Mupliang Goodwill FC.