Jowai, Risaw 21: Ka lympung ïalehkai phutbol jong ka kyrdan “Super Division” bad ka 1st Division League 2026 bala pynïaid daka East Jaiñtia Hills District Football Association (EJHDFA) kaba la long mynta ka sngi 21 tarik Risaw ha madan Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 haka kyrdan “Super Division” hapdeng ka kynhun ïalehkai jong ka Shilliang Umshong SC bad ka Thangskai Tiger SC kila poi sha ka jingïakhaid da mar shikol (1-1). Ïa ka shikol naka Shilliang Umshong la thep da u Phon Khaïi haka minit ba 65 bad ïaka shikol naka Thangskai Tiger la thep da u Pynthymme Rymbai haka minit ba 25.
Katba haka jingïakhun jong ka Thomas Nongtdu Memorial Trophy haka kyrdan 1st Division League 2026 ka kynhun ïalehkai jong ka Lakadong Umlatdoh SCSC kala jop da 2-1 kol ïaka Rymbai Madanpynriang SC, ïa ki kol na ka Lakadong Umlatdoh SCSC la thep da u Kiming Dkhar haka minit ba 53 bad u Phrangsngi Pakem haka minit ba 66. Ïa ka shikol naka R.Madanpynriang SC la thep da u William Dkhar haka minit ba 8.
Lyngba ka jingjop ka Lakadong Umlatdoh SCSC ïa ka R.Madanpynriang SC, kala plie lad ruh ïaka R.Iawpynsing SC ban rung sha ka Quarter Final naka Pool-C jong ka lympung ïalehkai 1st Division 2026.
