Jowai, Risaw 21: U ma Wailadmiki Shylla uba dei u myntri ka tnat Sports and Youth Affair ula wan ban pynhap pyrda ïa ka jingïalehkai 4th District Table Tennis, Championship, 2026, kaba la pynïaid da ka West Jaiñtia District Table Tennis Association, Jowai, kaba la poi sha kaba kut ha kane ka 20/10/2026, ïa kaba la pynlong ha Khimusniang Indoor Hall Jowai.
Ha kane ka sngi baroh ki jingïakhun ki la long kiba itynnad bad kiba shongshit bha ha kaba na ka liang u myntri ka kam ïalehkai Sports u la ai ka jingïaroh ïa baroh kiba la shim bynta ha kane ka lympung bad u la ai mynsiem shuh shuh ïa ka Association bad kan nangïaid shakhmat ha kaba pynïaid ïa kane ka jingïalehkai sports katba nangwan ki sngi.
Ha kane ka sngi ïa ka jingïakhun ha ka kyrdan Under 13 Girl single ïa ka nam lahduh la ïoh rah da ka Adoricia Kyndiah da kaba pynliem ïa ka Arkini Phawa da 15-13, 9-11, 10-12, 11-5, 11-9. Ha ka U-19 boys’ single u Samehi Dkhar u la jop ïa u Garethly Dkhar da 11-5, 7-11, 11-8, 10-12, 11-6. Ha ka Under 19 Boys’ doubles u Samehi Dkhar bad u Garethly Dkhar ki la pynliem ïa u Corban Dotzmi Khonglah bad u Felix Dkhar da 7-11, 11-8, 11-, 9-11, 15-13. Ha ka Women single ka Sakaniroi Tariang ka jop ïa ka Hakawathi Phai da 11-3, 11-6, 11-5, katba ha ka Women Doubles’ pat ka Rikynmaw Ymbon bad ka Sakaniroi Tariang ki la pynliem ïa ka Hakawathi Phai bad ka Aquilla Langbang da 11-7, 11-5, 11-8.
Ha ka Men’s single u Erapheal Dkhar u la jop ïa u Enangtei Ymbon da 11-7, 11-5, 11-. Ha ka men’s double u Eraphael Dkhar bad u Enangtei Ymbon ki la jop ïa u Aldrin M Wahlang bad u Lamminda-oo Passah da 14-12, 6-11, 11-7, 11-5.
Katba ha ka Mixed doubles pat u Erapheal Dkhar bad ka Sakaniroi Tariang ki la pynliem ïa u Lamminda-oo Passah bad ka Aquilla Langbang da 9-11, 11-5, 11-4, 11-5. Ha ka Men’s single 40+ u Sienmitre Sumer u la jop ïa u GL Mouna da 7-11, 11-5, 11-5,11-8, ha ka Men’s doubles 40+ u Sainbor Nongpluh & Rishida Traiang ki la jop ïa u Sienmitre Sumer & Kitbeitki Passah da 11-7, 11-7, 11-13, 11-9.
Ha ka Men’s single 50+ u Benedik Dkhar u la jop ïa u Aldrin M Wahlang da 9-11, 11-9, 11-7, 8-11, 11-8 bad ha ka Men’s doubles 50+ u Aldrin M Wahlang bad u Vikram Rai Ryngkhlem ki la jop ïa u Benadick Dkhar bad u Da-owan Nartiang, da 11-6, 11-8, 11-9.
La sam ïa ki khusnam da u kongsan ma Wailadmiki Shylla, kum juh ruh da u ma EMH Pasah President, ma A. M. Wahlang General Secretary WJDTTA, ha ka jingïadonlang kiwei de ki dkhot ka WJDTTA bad kiba shah khot sngewbha.
