Jop ka Golden Lion (Rymbai) bad Namrhenlang-i haka Football Knock-out Tournament ha Pdengshakap

0

Jowai, K’lyngkot 12: Ka lympung ïalehkai phutbol jong ka ‘11th Secondary School Invitation Football Knock-Out Tournament 2024-25’ bala pynïaid daka Dorbar shnong Pdengshakap kala long ha kane ka sngi saitjaiñ 11 tarik u Kyllalyngkot 2025.
Ki ar tylli ki kynhun kata ka Golden Lion FC (Rymbai) bad ka Namrhenlang-i FC kila ïoh ban khur jingjop ha ki jingïalehkai bala pynlong ha katei ka sngi saitjaiñ.
Ka Golden Lion FC (Rymbai) kala pynliem ïaka Kner Sungoh FC da 5-4 lyngba ka jingïashut Tie-breaker hadien ba ki la ïakhaid da 0-0 ha ka por ba la buh. Katba ka Namrhenlang-i FC pat kala jop ïaka Umphrup SC da 9-8 lyngba ka jingïashut Tie-breaker hadien ba la kut ka jingïalehkai da 1-1 kol.
Ïaka kol jong ka Namrhenlang-i FC la thep da u Dongmi Surong haka minit kaba 35, katba ïaka kol jong ka Umphrup SC pat la ïoh ban thep da u Mang haka minit kaba 53.
La pyntip ba yn bteng biang ïaka jingïalehkai haka 15-1-2025 haka por 12 baje mynsngi ka Golden Lion Syndai FC pyrshah ïaka 7-Wasa United, katba haka por 2 baje nohphai sngi pat ka YFC Trangblang kan ïakhun pyrshah ïaka DC.

Leave A Reply

Your email address will not be published.